Notes on movie stills
gusto kong gumawa ng pelikulang madaling luluma.

na kapag nakita ng mga tao a few years from now, isang tingin pa lang, sasabihin na nila na "that movie was so *year of release*"

1. maging specific sa look.
2. kalimutan muna ang cinema of the future. gawin ang pelikula sa kaalamang ang ginagawang ito ay malapit nang mamatay.
3. huwag matakot maging baduy.
4. palitan ang mga artistang ayaw magbago ng hairstyle dahil may mga tv show silang ginagawa at hindi puwedeng magbago ang itsura ng buhok.
5. hindi real. hindi surreal. kundi hyper-real.
6. piliing mabuti ang mga kantang isasama sa soundtrack.
7. mahalagang may malinaw na sinasabi tungkol sa times. maaaring second o third layer lamang.
8. imbibe the paradox: what is ephemeral lives forever.
9. isipin mong nakakapagsalita ang pelikula mo at ito ang sinasabi niya: siguro gusto ko lang malaman na nag-eexist ako kaya gusto kong maluma at mamatay.

naisip ko ito matapos kong makita ang ilang still photographs ng pelikulang singles. it was so 1992.